SİYASƏT


Türkiyənin “Yeni çağ” qəzetində müstəqilliyimizin bərpasından bəhs olunan məqalə dərc edilib

A+ A

Ankara, 15 noyabr, AZƏRTAC

Türkiyənin çoxtirajlı “Yeni çağ” qəzetində Azərbaycanın bu ölkədəki səfiri Faiq Bağırovun “Azərbaycan-Türkiyə münasibətlərinin 25-ci ildönümü” sərlövhəli məqaləsi dərc olunub.

Məqalədə Azərbaycanın dövlət müstəqilliyini bərpa etdikdən sonra ölkəmizdə yaşanmış ictimai-siyasi proseslər barədə geniş məlumat verilir, qardaş Türkiyə ilə əlaqələrin qurulmasından, qarşılıqlı münasibətlərin inkişaf strategiyasından və tarixi əhəmiyyətli məsələlərdən bəhs olunur.

Ümummilli lider Heydər Əliyevin möhkəm təməl üzərində qurduğu Azərbaycan-Türkiyə münasibətlərinin Prezident İlham Əliyev tərəfindən inamla irəli aparıldığını diqqətə çatdıran səfir qeyd edir ki, münasibətlərin hazırkı vəziyyəti xalqlarımızın və ölkələrimizin ümumi maraqlarını tam şəkildə təmin edir.

Məqalədə mövcud Bakı-Tbilisi-Ceyhan və Bakı-Tbilisi-Ərzurum kəmərlərinin xalqlarımızın rifahında oynadığı rol, həmçinin onların region ölkələrinin inkişafına təsiri, perspektivdə olan işlərin, o cümlədən TANAP və TAP layihələrinin, istismara hazırlanan Bakı-Tbilisi-Qars dəmir yolu xəttinin iqtisadi inkişafımıza təsiri və digər məsələlərdən də danışılır.

Sabir Şahtaxtı

AZƏRTAC-ın xüsusi müxbiri

Ankara

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.