İQTİSADİYYAT


Vyanada “Transxəzər Şərq-Qərb Ticarət və Tranzit Dəhlizi” mövzusunda forum keçirilib

A+ A

Vyana, 14 sentyabr, AZƏRTAC

Vyanada Azərbaycan Respublikasının Avstriyadakı səfirliyinin təşəbbüsü və təşkilatçılığı ilə Avstriya İqtisadiyyat Palatası və Türkiyə, Gürcüstan, Qazaxıstan və Türkmənistanın Avstriyadakı səfirlikləri ilə birgə “Transxəzər Şərq-Qərb Ticarət və Tranzit Dəhlizi” mövzusunda forum keçirilib.

Forumu giriş sözü ilə Avstriya İqtisadiyyat Palatasının vitse-prezidenti Rixard Şents açaraq, Şərq-Qərb nəqliyyat dəhlizinin əhəmiyyəti, onun Avropa və Asiya arasında ticarət və iqtisadi əməkdaşlığa verə biləcəyi töhfə barəsində danışıb.

Daha sonra ölkəmizin Avstriyadakı səfiri Qalib İsrafilov çıxış edib. O, belə bir aktual və vacib mövzu barədə forumun təşkilinə verdikləri dəstəyə görə Avstriya İqtisadiyyat Palatasına, həmçinin Türkiyə, Gürcüstan, Qazaxıstan və Türkmənistanın Avstriyadakı səfirliklərinə təşəkkürünü bildirib. Natiq Şərq-Qərb Ticarət və Tranzit Dəhlizinin təkcə nəqliyyat dəhlizi deyil - qeyd olunan dəhliz üzərində yaşayan xalqların mədəniyyətlərini birləşdirən bir vasitədir, deyə bildirib. Daha sonra qeyd olunan ölkələrin Avstriyada akkreditasiya olunmuş səfirləri çıxış ediblər.

Tədbirin rəsmi hissəsindən sonra Azərbaycan, Gürcüstan, Qazaxıstan, Türkmənistan və Türkiyənin aidiyyəti dövlət qurumlarının, həmçinin nəqliyyat və logistika şirkətlərinin nümayəndələri qısa təqdimatlarla çıxış ediblər. Tədbir Avstriya və region ölkələrindən olan nəqliyyat şirkətləri arasında ikitərəfli görüşlərlə yekunlaşıb.

Elgün Niftəliyev

AZƏRTAC-ın xüsusi müxbiri

Vyana

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.