DÜNYA


“WhatsApp”ın gündəlik auditoriyası 1 milyarda çatıb

Bakı, 27 iyul, AZƏRTAC

“WhatsApp” messencerinin gündəlik auditoriyası 1 milyarda çatıb. Beləliklə, servisdən hər gün Yer kürəsində hər yeddi nəfərdən biri istifadə edir. İstifadəçilərin sutka ərzində göndərdikləri məlumatların sayı 55 milyard təşkil edir.

AZƏRTAC xəbər verir ki, statistik məlumata görə, hazırda messencerin aylıq auditoriyası 1,3 milyard nəfərə bərabərdir. 2016-cı ilin fevralında bu göstəricinin 1 milyard, gündəlik göndərilən məlumatların sayının 42 milyard olması barədə məlumat verilib.

“Stories” vasitəsilə özünüməhv edən məlumatları gündə 250 milyon nəfər göndərir. Həmçinin “Instagram” analoqundan 250 milyon, “Snapchat” analoqundan 166 milyon istifadə edir.

Bununla yanaşı, “Facebook” şirkətinə məxsus “Instagram” şəbəkəsinin aylıq auditoriyası 700 milyon təşkil edir. Şirkətin məlumat mübadiləsi üçün digər servisi - “Messenger”dən ayda 1,2 milyard nəfər istifadə edir. “Facebook” sosial şəbəkəsinin auditoriyası isə 2 milyarda bərabərdir.

Qeyd edək ki, “WhatsApp” dünyada ən populyar messencerlərdən biridir. 2009-cu ildə Kaliforniyada proqramçılar Yan Kum və Brayan Ekton tərəfindən yaradılan servis 2014-cü ilin fevralında 19 milyon dollara “Facebook” sosial şəbəkəsinə satılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.