DÜNYA


“Windows 10” sistemində gözlərin köməyi ilə kompüteri idarə etmək mümkün olacaq

Bakı, 3 avqust, AZƏRTAC

“Windows 10” sistemində gözlərin köməyi ilə kompüteri idarə etmək mümkün olacaq.

AZƏRTAC “cnews.ru” saytına istinadən xəbər verir ki, "Windows 10" əməliyyat sistemində tətbiq ediləcək "Eye Control" funksiyası onurğa sütunu xəstəliklərindən əziyyət çəkən istifadəçilərə kompüteri idarə etməyə kömək edəcək. "Windows Insiders" proqramının iştirakçıları artıq yeniliyi sınaqdan keçirə bilərlər. Yeni funksiya rəsmən bu ilin payızında "Windows 10 Creators Update" ilə birgə əlçatan olacaq.

"Eye Control" dəstindən bir sıra funksiyalar mausu, digərləri isə klaviaturanı əvəz etmək üçün nəzərdə tutulub. "Shape-writing" adlı yeni tanıma üsulu mətni gözlərin hərəkəti ilə sürətli daxil etməyə imkan verir: virtual klaviaturaya baxan istifadəçi öz baxışını sözün birinci hərfinin üzərində saxlayır, bundan sonra gözü ilə növbəti simvolları bir-bir daxil edir.

Bu, hərfləri bir-bir daxil etməkdən (istifadəçi öz baxışını hər bir hərf üzərində saxlamalıdır) daha səmərəlidir. Həmçinin "Eye Control" istifadəçilərinə əlçatan olan xatırlatmalar sayəsində mətnin gözlə daxil edilməsi prosesi daha asanlaşır.

"Windows 10" sistemində yeni funksiyalardan istifadə etmək üçün "Tobii" şirkətinin "Eye Tracker 4C" kontroller-kamerasını əldə etmək lazımdır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.