REGİONLAR


Xaçmazda əlilliyi və sağlamlıq imkanları məhdud olan şəxslərin yaradıcılığa inteqrasiya imkanları genişləndirilir

A+ A

Xaçmaz, 21 iyul, Elxan Yusifli, AZƏRTAC

Xaçmaz İcma Əsaslı Reabilitasiya Mərkəzində əlilliyi və sağlamlıq imkanları məhdud olan şəxslərin yaradıcılığa və təhsilə inteqrasiya imkanlarının genişləndirilməsini nəzərdə tutan təlimlər keçirilir.

AZƏRTAC xəbər verir ki, əlilliyi və sağlamlıq imkanları məhdud olan uşaqların və onların valideynlərinin cəlb olunduğu layihə “Lira” Gənc İstedadlar Cəmiyyətinin təşəbbüsü, Azərbaycan Respublikası Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə reallaşdırılır.

Təlimlər çərçivəsində sağlamlıq imkanları məhdud uşaqların kiçik matorik (əl biləyi və barmaqlarının köməyi ilə xırda və dəqiq hərəkətlər) bacarıqlarının inkişaf etdirilməsinə, onlara əlavə bacarıqların qazandırılmasına, fiziki imkanlarının, məntiqi təfəkkürlərinin inkişafına, eləcə də əl işlərinin sərgilənməsinə imkan yaradacaq.

Təlimlərə bir sıra tanınmış ekspertlər, o cümlədən loqoped-difektoloq Dilarə Qəhrəmanova cəlb olunub.

Layihə çərçivəsində ümumilikdə 9 təlimin keçirilməsi nəzərdə tutulub.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.