CƏMİYYƏT


Yasamalda iki əl qumbarası və 15 patron aşkar edilib

Bakı, 7 avqust, AZƏRTAC

Azərbaycan Respublikası Ərazilərinin Minalardan Təmizlənməsi üzrə Milli Agentliyin (ANAMA) mütəxəssisləri Fövqəladə Hallar Nazirliyinin Böhran Vəziyyətlərində İdarəetmə Mərkəzinin məlumatına əsasən, Bakının Yasamal rayonunun Şərifzadə küçəsi 72 ünvanına baxış keçiriblər. Baxış zamanı iki ədəd “MK2” əl qumbarası və 15 ədəd müxtəlif çaplı patron (11 ədəd yeddi millimetrlik və 4 ədəd doqquz millimetrlik tapança patronu) aşkar edilib və agentliyin mərkəzi məhvetmə ərazisinə daşınıb.

ANAMA-dan AZƏRTAC-a bildiriblər ki, yanvarın 1–dən avqustun 7-dək, ümumilikdə, 5 min 868 partlamamış hərbi sursat, tank əleyhinə 197 mina və piyada əleyhinə 31 mina aşkar olunaraq zərərsizləşdirilib. Cəmi 4 milyon 695 min 877 kvadratmetr ərazi yoxlanılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.