RƏSMİ XRONİKA
AZƏRBAYCAN RESPUBLİKASI PREZİDENTİNİN 2003-CÜ İL 4 AVQUST TARİXLİ 911 NÖMRƏLİ FƏRMANI İLƏ TƏSDİQ EDİLMİŞ “İNZİBATİ VƏ YARDIMÇI VƏZİFƏLƏRİN TƏSNİFAT TOPLUSU”NA VƏ “DÖVLƏT QULLUQÇULARININ ƏMƏKHAQLARININ ARTIRILMASI HAQQINDA” AZƏRBAYCAN RESPUBLİKASI PREZİDENTİNİN 2007-Cİ İL 23 YANVAR TARİXLİ 1909 NÖMRƏLİ SƏRƏNCAMINA ƏLAVƏLƏR VƏ DƏYİŞİKLİKLƏR EDİLMƏSİ BARƏDƏ
AZƏRBAYCAN RESPUBLİKASI PREZİDENTİNİN FƏRMANI
1. Azərbaycan Respublikası Prezidentinin 2003-cü il 4 avqust tarixli 911 nömrəli Fərmanı (Azərbaycan Respublikasının Qanunvericilik Toplusu, 2003-cü il, № 8, maddə 440; 2006-cı il, № 3, maddə 229, № 6, maddə 498; 2007-ci il, № 2, maddələr 86, 101, № 3, maddələr 217, 227, № 7, maddə 714, № 9, maddə 867, № 10, maddə 948; Azərbaycan Respublikası Prezidentinin 2008-ci il 31 yanvar tarixli 705 nömrəli Fərmanı) ilə təsdiq edilmiş “İnzibati və yardımçı vəzifələrin təsnifat toplusu”na aşağıdakı əlavələr edilsin:
1.1. 2.1.6-cı bəndin üçüncü abzasının və 3.2.6-cı bəndin üçüncü abzasının sonunda “məhkəmə iclasının katibi” sözlərindən sonra “, Naxçıvan Muxtar Respublikasının ərazisində Ağır cinayətlərə dair işlər üzrə hərbi məhkəmənin yurisdiksiyasını həyata keçirən müvafiq hərbi məhkəmənin aparatında sektor müdiri, baş mühasib, baş məsləhətçi, böyük məsləhətçi, aparıcı məsləhətçi, məsləhətçi, məhkəmə iclasının katibi” sözləri əlavə edilsin;
1.2. 2.3.4-cü bəndin ikinci abzasının və 3.4.4-cü bəndin ikinci abzasının sonunda “sair işçilər” sözlərindən sonra “, Naxçıvan Muxtar Respublikasının ərazisində Ağır cinayətlərə dair işlər üzrə hərbi məhkəmənin yurisdiksiyasını həyata keçirən müvafiq hərbi məhkəmənin aparatında texniki vəzifələr tutan baş mütəxəssis, böyük mütəxəssis, aparıcı mütəxəssis, mütəxəssis-inspektor, kargüzar, makinaçı, kuryer, arxiv qeydiyyatçısı, liftçi, sürücü və sair işçilər” sözləri əlavə edilsin;
1.3. 2.1.9-cu bəndin ikinci abzasında, 2.3.6-cı bəndin üçüncü abzasında, 3.2.9-cu bəndin ikinci abzasında və 3.4.6-cı bəndin üçüncü abzasında “hərbi məhkəmələr” sözlərindən sonra “(Naxçıvan Muxtar Respublikasının ərazisində Ağır cinayətlərə dair işlər üzrə hərbi məhkəmənin yurisdiksiyasını həyata keçirən müvafiq hərbi məhkəmə istisna olmaqla)” sözləri əlavə edilsin.
2. “Dövlət qulluqçularının əməkhaqlarının artırılması haqqında” Azərbaycan Respublikası Prezidentinin 2007-ci il 23 yanvar tarixli 1909 nömrəli Sərəncamına (Azərbaycan Respublikasının Qanunvericilik Toplusu, 2007-ci il, № 1, maddə 32, № 2, maddə 101, № 3, maddə 244, № 7, maddə 714, № 8, maddə 801, № 9, maddə 867, № 10, maddə 948; Azərbaycan Respublikası Prezidentinin 2007-ci il 23 noyabr tarixli 2526 nömrəli Sərəncamı; Azərbaycan Respublikası Prezidentinin 2008-ci il 31 yanvar tarixli 705 nömrəli Fərmanı) Əlavə 2 - “Azərbaycan Respublikasının dövlət orqanlarında çalışan dövlət qulluqçularının Vəzifə Maaşları”nın “Təsnifatlar üzrə inzibati və yardımçı vəzifələrin adları” sütununa aşağıdakı dəyişikliklər və əlavələr edilsin:
2.1. İnzibati vəzifələrin təsnifatı üzrə:
2.1.1. “Altıncı təsnifat”ın altıncı, on beşinci və on doqquzuncu qrafalarında “və Naxçıvan Muxtar Respublikası İqtisad Məhkəməsinin” sözləri “, Naxçıvan Muxtar Respublikası İqtisad Məhkəməsinin və Naxçıvan Muxtar Respublikasının ərazisində Ağır cinayətlərə dair işlər üzrə hərbi məhkəmənin yurisdiksiyasını həyata keçirən müvafiq hərbi məhkəmənin” sözləri ilə əvəz edilsin;
2.1.2. “Doqquzuncu təsnifat”ın ikinci, altıncı və səkkizinci qrafalarında “hərbi məhkəmələr” sözlərindən sonra “(Naxçıvan Muxtar Respublikasının ərazisində Ağır cinayətlərə dair işlər üzrə hərbi məhkəmənin yurisdiksiyasını həyata keçirən müvafiq hərbi məhkəmə istisna olmaqla)” sözləri əlavə edilsin.
2.2. Yardımçı vəzifələrin təsnifatları üzrə:
2.2.1. “Dördüncü təsnifat”ın birinci qrafasında “İqtisad Məhkəməsinin” sözlərindən sonra “, Naxçıvan Muxtar Respublikasının ərazisində Ağır cinayətlərə dair işlər üzrə hərbi məhkəmənin yurisdiksiyasını həyata keçirən müvafiq hərbi məhkəmənin” sözləri əlavə edilsin;
2.2.2. “Altıncı təsnifat”ın birinci qrafasında “hərbi məhkəmələr” sözlərindən sonra “(Naxçıvan Muxtar Respublikasının ərazisində Ağır cinayətlərə dair işlər üzrə hərbi məhkəmənin yurisdiksiyasını həyata keçirən müvafiq hərbi məhkəmə istisna olmaqla)” sözləri əlavə edilsin.
3. Bu Fərman dərc olunduğu gündən qüvvəyə minir.
İlham Əliyev
Azərbaycan Respublikasının Prezidenti
Bakı şəhəri, 6 mart 2008-ci il.