Füzuli rayonundan olan məcburi köçkünlər doğma torpaqlarına qayıdırlar
Füzuli, 6 aprel (AZƏRTAC). 1994-cü ilin yanvarında Füzuli rayonunun 22 yaşayış məntəqəsi işğaldan azad edildikdən sonra Ermənistan silahlı qüvvələri tərəfindən dağıdılmış infrastruktur yenidən qurulmağa başlamışdır.
Füzuli Rayon İcra Hakimiyyətindən AZƏRTAC-a bildirmişlər ki, rayonun işğaldan azad edilmiş ərazilərində 2.107 ailəlik 11 “Qayıdış”, 2.104 ailəlik Zobucuq qəsəbələri salınmış, ümumilikdə Qaçqınların və Məcburi Köçkünlərin İşləri üzrə Dövlət Komitəsi, Respublika Bərpa Agentliyi və beynəlxalq təşkilatlar tərəfindən 7.363 ev tikilmiş və ya bərpa edilmişdir. Nəticədə 1994-cü ildən indiyədək 65 min 650 nəfər məcburi köçkün rayona qayıdaraq işğaldan azad edilmiş ərazilərdə məskunlaşmışdır.
Bölmənin digər xəbərləri
