SİYASƏT
MƏRKƏZİ SEÇKİ KOMİSSİYASI XARİCİ JURNALİSTLƏRİN AKKREDİTASİYASINI DAVAM ETDİRİR
Mərkəzi Seçki Komissiyası (MSK) nəzdində fəaliyyət göstərən Müstəqil Mətbuat Mərkəzindən AZƏRTAC-a bildirmişlər ki, noyabrın 6-da ölkəmizdə keçiriləcək parlament seçkilərini işıqlandırmaq üçün MSK-da oktyabrın 17-dək 44 xarici jurnalist akkreditə olunmuşdur.
Akkreditə olunmuş xarici KİV nümayəndələrinin 18 nəfəri “Reuters”i (14 nəfər Moskva nümayəndəliyi, 4 nəfər Qafqaz bürosu), 1 nəfəri Beynəlxalq Fransız Radiosunu (RFİ), 3 nəfəri Kanadanın CBC teleradio yayım şirkətini, 4 nəfəri Yaponiyanın “TBC” teleradio şirkətini, 3 nəfəri “Al Jazeera” televiziyasını, 1 nəfəri “Dubai” televiziyasını, 6 nəfəri TRT-ni (Bakı nümayəndiliyi), 2 nəfəri Anadolu Agentliyini, 1 nəfəri İTAR-TASS agentliyini, 5 nəfəri isə “Mir” Dövlətlərarası Teleradio Şirkətini təmsil edir.
MSK xarici KİV təmsilçilərinin akkreditasiyasını davam etdirir.