CƏMİYYƏT


Amnistiya qərarı əsasında bu günədək iki mindən çox şəxs azadlığa buraxılıb

A+ A

Bakı, 13 iyul, AZƏRTAC

Azərbaycan birinci xanımı, Heydər Əliyev Fondunun prezidenti, Milli Məclisin deputatı Mehriban Əliyevanın təşəbbüsü ilə 28 May - Respublika Günü münasibətilə elan edilmiş və humanizm prinsiplərinin davamı olan Milli Məclisin 2016-cı il 20 may tarixli amnistiya qərarının cəzaçəkmə müəssisələrində icrası davam edir.

Penitensiar Xidmətin ictimaiyyətlə əlaqələr şöbəsindən AZƏRTAC-a bildiriblər ki, qərar bu günədək qurumun cəzaçəkmə müəssisələrində saxlanılan 2 mindən çox şəxsə şamil edilib. Onlardan 33-ü xarici ölkə vətəndaşıdır.

Amnistiya qərarına əsasən, cəzaçəkmə müəssisələrindən azadlığa çıxmış məhkumlardan 43-ü qadındır. Ümumilikdə amnistiya qərarının 10 minə yaxın məhkuma şamil olunacağı gözlənilir.

Qərarın icrası davam edir.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.