DÜNYA


Bayram günlərində Tailand yollarında 478 nəfər həlak olub

Bakı, 5 yanvar, AZƏRTAC 

Yeni il bayramı günlərində Tailand yollarında baş verən yol-nəqliyyat hadisələri nəticəsində 478 nəfər həlak olub.

AZƏRTAC Interfax informasiya agentliyinə istinadla xəbər verir ki, yol hərəkəti qurbanlarının hesabatı dekabrın 30-dan aparılmağa başlayıb. Həlak olanların ümumi sayı 2016-cı ilin müvafiq dövrünün kədərli statistikasını xeyli üstələyib. O vaxt baş verən qəzalarda 380 nəfər həyatını itirmişdi.

Yol-nəqliyyat hadisələrinin əsas səbəbi nəqliyyat vasitələrinin sərxoş vəziyyətdə idarə edilməsi olub. 2016-cı il dekabrın 29-dan 2017-ci il yanvarın 4-dək Tailandda 67 mindən çox sərxoş sürücü həbs edilib, bu səbəbdən 4 minə yaxın nəqliyyat vasitəsi müsadirə olunub.

Xatırladaq ki, Beynəlxalq Səhiyyə Təşkilatının məlumatına əsasən, Tailand yolları ölüm hadisələrinin sayına görə dünyada ikinci yeri tutur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.