DÜNYA


Beynəlxalq Olimpiya Komitəsi Tokio Olimpiadasına yeni idman növləri əlavə edib

Tokio, 10 iyun, AZƏRTAC

Beynəlxalq Olimpiya Komitəsi (BOK) 2020-ci ildə Tokioda keçiriləcək Olimpiya və Paralimpiya Oyunlarına yeni idman növləri üzrə yarışlar əlavə edib. Onların arasında kişi və qadınların eyni vaxtda iştirakını nəzərdə tutan qarışıq idman növləri də var.

NHK telekanalının yaydığı məlumata görə, bu qərar BOK-un cinslərin bərabərliyinin təmin olunması və gəncləri idmana cəlb edilməsi niyyətini təsdiq edir.

Yeni əlavə edilən idman növləri arasında cüdo üzrə qarışıq komandaların yarışını nümunə göstərmək olar. Bu yarış zamanı hər komanda üç qadın və üç kişi idmançı ilə təmsil olunacaq.

Stolüstü tennis yarışları zamanı da qarışıq cütlərdən ibarət komandaların mübarizəsi nəzərdə tutulur.

Bununla yanaşı, üç nəfərdən ibarət basketbol yarışının keçirilməsi də planlaşdırılır. BOK bununla gənclərin diqqətini şəhər idman növlərinə istiqamətləndirməyə çalışır.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.