İQTİSADİYYAT


Dövlət Statistika Komitəsi ilə BMT-nin İnkişaf Proqramı arasında gələcək əməkdaşlıq perspektivləri müzakirə edilib

Bakı, 1 iyun, AZƏRTAC

Azərbaycan Respublikasının Dövlət Statistika Komitəsi ilə BMT-nin İnkişaf Proqramı arasında gələcək əməkdaşlıq perspektivləri müzakirə edilib.

Komitədən AZƏRTAC-a bildirilib ki, müzakirələr iyunun 1-də Dövlət Statistika Komitəsinin sədri Tahir Budaqovun Birləşmiş Millətlər Təşkilatının İnkişaf Proqramının (BMTİP) İstanbul Regional Mərkəzinin baş müşaviri Ben Sleyin rəhbərlik etdiyi missiya ilə görüşündə aparılıb.

Tahir Budaqov bildirib ki, Prezident İlham Əliyevin rəhbərliyi ilə həyata keçirilən sosial-iqtisadi proqramlar və sistemli tədbirlər nəticəsində Azərbaycan dünya miqyasında sürətlə inkişaf edən ölkələr sırasında öncül yerlərdən birini tutur. Sosial, iqtisadi, siyasi, mədəni, bir sözlə, bütün sahələrdə əldə edilən yüksək göstəricilər, milli inkişaf modelinin uğurlu tətbiqi və dayanıqlı inkişafa nail olunması Azərbaycanın dinamik inkişafını təmin edən əsas faktorlar hesab edilir. Dayanıqlı inkişafın təmin edilməsi ilə bağlı görülən işlər və qarşıda duran vəzifələr barədə ətraflı məlumat verən komitə sədri qeyd edib ki, dövlət başçısının 2016-cı il 6 oktyabr tarixli Fərmanı ilə dayanıqlı inkişaf məqsədləri üzrə səmərəli milli icra mexanizminin formalaşdırılması məqsədilə Dayanıqlı İnkişaf üzrə Milli Əlaqələndirmə Şurası yaradılıb. Dövlət Statistika Komitəsi “Dünyamızın transformasiyası: 2030-cu ilədək dayanıqlı inkişaf sahəsində Gündəlik”lə müəyyən edilmiş məqsəd və hədəflər üzrə irəliləyişin milli, regional və qlobal səviyyədə monitorinqinin aparılması üçün tələb olunan yüksək keyfiyyətli məlumatların təmin edilməsi istiqamətində müvafiq tədbirlər həyata keçirir. Cari il mayın 30-31-də Bakıda BMT-nin Asiya və Sakit okean ölkələri üzrə Statistika İnstitutu ilə əməkdaşlıq çərçivəsində yüksək səviyyəli rəsmi statistiklər üçün keçirilmiş Dayanıqlı İnkişaf Məqsədləri üzrə məlumat və statistikaya dair subregional seminar haqqında qonaqları məlumatlandıran Tahir Budaqov vurğulayıb ki, bu sahədə beynəlxalq tələblərə cavab verən statistik məlumatların hazırlanması statistika orqanlarının üzərinə yeni vəzifələr qoyur.

BMT-nin İnkişaf Proqramının İstanbul Regional Mərkəzinin baş müşaviri, missiyanın rəhbəri Ben Sley qeyd edib ki, Azərbaycana səfərin əsas məqsədi Dayanıqlı İnkişaf Məqsədlərinin (DİM) milli şəraitə uyğunlaşdırılması üzrə həyata keçirilən fəaliyyətin öyrənilməsi və müvafiq tövsiyələrin hazırlanmasıdır.

Görüşdə Dövlət Statistika Komitəsi ilə BMT-nin İnkişaf Proqramı arasında gələcək əməkdaşlıq perspektivləri müzakirə edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.