DÜNYA


Neapol yaxınlığında yaşayış binasının uçması nəticəsində 8 nəfər həlak olub

Bakı, 8 iyul, AZƏRTAC

İyulun 7-də Neapol yaxınlığında yerləşən Torre-Annunsiata şəhərciyində yaşayış binasının uçması nəticəsində həlak olanların sayı 8 nəfərə çatıb.

AZƏRTAC xarici KİV-lərə istinadla xəbər verir ki, bu barədə əyalətin yanğınsöndürmə xidmətinin başçısı Emanuele Frankulli bildirib.

Hazırda itkin düşən insanlar qalmadığı üçün xilasetmə əməliyyatı dayandırılıb.

Torre-Annunsiata prokurorluğu fakt üzrə təhqiqata başlayıb. Binanın 2-ci və 3-cü mərtəbəsində aparılan təmir işləri ilə bağlı bələdiyyədə saxlanan bütün sənədlər araşdırılır. Təhqiqat zamanı məlum olub ki, yuxarı mərtəbənin sakinləri divarlarda çoxsaylı çatlaqların əmələ gəlməsinə görə dəfələrlə şikayət ediblər.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.