CƏMİYYƏT
Regionlarda ilk Avropa Oyunlarının maarifləndirmə aksiyası başa çatıb
Bakı, 1, aprel, AZƏRTAC
“Gələcəyə Doğru” Təşəbbüskar Tələbə Gənclər İctimai Birliyinin Azərbaycan Respublikasının Prezidenti yanında Gənclər Fondunun maliyyə dəstəyi ilə keçirilən regionlarda ilk Avropa Oyunlarının maarifləndirmə aksiyası başa çatıb.
ATGTİ-dən AZƏRTAC-a bildiriblər ki, aksiya çərçivəsində region gənclərinə ilk Avropa Oyunları, bu mötəbər idman yarışının ölkəmiz üçün əhəmiyyəti, keçiriləcək yarışlar, eləcə də idmançılar və s. haqqında ətraflı məlumat verilib.
Layihə Quba, Şamaxı, İsmayıllı, Qəbələ, Şəki, Göyçay, Gəncə, Mingəçevir, Cəlilabad, Lənkəran şəhərlərində keçirilib.
Son illərdə bir çox yerli və beynəlxalq layihələrin iştirakçısı və ya təşkilatçısı olan İctimai Birlik Ukrayna, Türkiyə, Polşa, Almaniya, Moldova, Rusiya və Qırğızıstanda keçirilən beynəlxalq tədbirlərdə, həmçinin “Gənclər fəaliyyətdə” proqramında, digər forum və seminarlarda ölkəmizi uğurla təmsil edib.