İQTİSADİYYAT


Sahibkarlar Belarusda keçiriləcək Beynəlxalq İnvestisiya Forumuna dəvət olunurlar

Bakı, 16 iyun, AZƏRTAC

İyunun З0-da Belarusun Bobruysk şəhərində "Uğur dəyirmanı" adlı IX Beynəlxalq İnvestisiya Forumu keçiriləcək.

AZƏRTAC Azərbaycanda İxracın və İnvestisiyaların Təşviqi Fonduna (AZPROMO) istinadla xəbər verir ki, ölkəmizdə fəaliyyət göstərən şirkətlərin nümayəndələri və sahibkarlar adıçəkilən forumda iştiraka dəvət olunurlar.

Forum iştirakçılara regionun investisiya və innovasiya layihələrinin sərgi-təqdimatını ziyarət etmək imkanı yaradacaq. Forumun işində dünyanın 40-dan çox ölkəsinin tanınmış şirkətlərinin nümayəndələri, o cümlədən hakimiyyət orqanları, ticarət və sənaye palatasının, diplomatik korpusun təmsilçiləri iştirak edəcəklər.

Tədbir çərçivəsində "İnnovasiyalar: Elmdən istehsala", "Mədəniyyət və turizm sahəsinin inkişafı" və "Mogilyov azad iqtisadi zona" mövzularında iclaslar keçiriləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.