ELM VƏ TƏHSİL


UNEC İsveçrənin elmi-tədqiqat institutları ilə əməkdaşlığa başlayır

Bakı, 24 may, AZƏRTAC

Azərbaycan Dövlət İqtisad Universiteti (UNEC) İsveçrənin elmi-tədqiqat institutları ilə əməkdaşlığa başlayır.

AZƏRTAC xəbər verir ki, bu barədə UNEC-in nəzdindəki İqtisadi Araşdırmalar Elmi-Tədqiqat İnstitutunda (İAETİ) İsveçrə səfirliyinin birinci katibi Simone Haeberli və İsveçrə İnkişaf və Əməkdaşlıq Agentliyinin (SECO) nümayəndələri ilə görüşdə danışılıb.

İAETİ-nin direktoru, professor Yadulla Həsənli UNEC-də həyata keçirilən yeniliklər, o cümlədən elmi-tədqiqat yönümlü universitet olmaq yolunda reallaşdırılan yeniliklər haqqında məlumat verib. Y.Həsənli, eyni zamanda, institutun elmi potensialından söz açıb, burada aparılan tədqiqat və maraq göstərdiyi araşdırma sahələrindən bəhs edib.

Sonda UNEC-lə SECO arasında gələcək əməkdaşlıq imkanları müzakirə olunub, İsveçrənin aidiyyəti institutları ilə birgə tədqiqatların aparılması imkanları nəzərdən keçirilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.