REGİONLAR


Xızı-Altıağac avtomobil yolunda torpaq sürüşməsi baş verib

A+ A

Xızı, 30 noyabr, Elxan Yusifli, AZƏRTAC

Xızı-Altıağac avtomobil yolunda torpaq sürüşməsi baş verib. Ötən həftədən müşahidə olunan sürüşmə aktivləşərək 11 yaşayış məntəqəsini birləşdirən yola ciddi ziyan vurub.

Xızı rayon icra hakimiyyətinin başçısının Altıağac qəsəbə inzibati ərazi dairəsi üzrə nümayəndəsi Fuad Həmidov AZƏRTAC-a bildirib ki, sürüşmə nəticəsində yolun bir neçə hissəsində ümumilikdə bir kilometrədək məsafədə çökmələr baş verib, asfalt qatı dağılıb. Torpaq sürüşməsindən sonra Xızı-Altıağac yolunda avtomobillərin hərəkəti müvəqqəti məhdudlaşdırılsa da, qısa müddətdən sonra bərpa olunub.

Torpaq sürüşməsi baş verən əraziyə Ekologiya və Təbii Sərvətlər, Fövqəladə Hallar nazirliklərinin və digər əlaqədar qurumların mütəxəssisləri cəlb olunub. Ərazidə sürüşmənin aktiv fazada olduğu müəyyənləşib.

Hazırda yolun sürüşmədən zərər çəkmiş hissələri ağır texnikaların köməyi ilə bərpa edilir.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.