MƏDƏNİYYƏT


“Yeni nəfəs – 2” adlı qısametrajlı ssenari müsabiqəsinin vaxtı uzadılıb

A+ A

Bakı, 21 sentyabr, AZƏRTAC

Azərbaycan Respublikası Kinematoqrafçılar İttifaqı gənc və istedadlı ssenaristləri aşkara çıxarmaq məqsədilə elan etdiyi “Yeni nəfəs – 2” adlı qısametrajlı ssenari müsabiqəsinin vaxtını uzadıb.

İttifaqdan AZƏRTAC-a bildirilib ki, müsabiqəyə qeydiyyat sentyabrın 30-dək davam edəcək.

Yaşı 35-dək olan hər bir şəxs 20 səhifədən çox olmamaq şərti ilə istənilən janrda bədii, sənədli və animasiya ssenarilərini tərcümeyi-hal ilə birgə, üç nüsxədə çap və elektron variantda müsabiqəyə təqdim edə bilər.

Müsabiqə kinematoqrafiya sahəsində gənclərin yaradıcılıq fəaliyyətini inkişaf etdirmək, gənc və istedadlı müəllifləri aşkara çıxarmaq, həmçinin milli kinomuza yeni fikir, yeni nəfəs gətirmək məqsədilə keçirilir. Qalib ssenarilər pul mükafatı və diplomla təltif olunacaq.

Qeyd edək ki, müsabiqənin nəticəsi oktyabrda elan olunacaq.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.