DÜNYA
İşgüzar adamlar üçün Britaniya ulduz falı (14-20 may)
QOÇLAR yeni biznes və ya daşınmaz əmlak satın almaq barədə düşünməlidirlər. Bu həftə alğı-satqı məsələlərinə rəvac verir. Lakin son dərəcə diqqətli olmaq və sövdələşmənin bütün cəhətlərini ətraflı öyrənmək lazımdır. Biznesin genişləndirilməsi nəinki qazanc gətirəcək və sosial statusunuzu möhkəmləndirəcək, həm də sizə mənəvi rahatlıq bəxş edəcəkdir.
BUĞALAR öz bizneslərini inkişaf etdirmək üçün qətiyyətlə və səylə çalışsalar, qarşılarında yeni imkanlar açılacaqdır. Səylərinizi ikiqat, lazım gəlsə, üçqat artırmalısınız. Qarşınıza böyük məqsədlər qoyun və daim həmin məqsədlərə çatmaq yolları barədə düşünün. Bu işdə sizə ləngliyi sevməyən zirək Merkuri planeti yardım göstərəcəkdir. Operativliyə xüsusi diqqət yetirin və tərəfdaşlarınızı da məhz bu istiqamətdə fəaliyyətə yönəldin.
Britaniya münəccimləri ƏKİZLƏRƏ indiki fəaliyyət taktikasını büsbütün dəyişdirməyi məsləhət görürlər. Siz bədxahlarınızın qərəzli və yanlış məsləhətlərinin qurbanı ola bilərsiniz. Planetlərin düzümü göstərir ki, yalnız yaxınlarınızdan, sınanılmış dostlardan kömək gözləyə bilərsiniz. Hərçənd son vaxtlar həmin insanlara qarşı bir o qədər də diqqətli olmamısınız. Borc probleminizi həll etmək üçün yollar düşünməlisiniz.
XƏRÇƏNGLƏR çalışdıqları layihənin həyata keçirilməsində bir o qədər də səmərəli olmayan fəaliyyətlərini yenidən qiymətləndirməlidirlər. Taktikanızı dəyişdirməsəniz, bir vaxtlar mükəmməl saydığınız vasitələr yeni şəraitdə sizi yalnız geri çəkəcəkdir. Ən yaxşı yol yoldaşınız təmkin, səbir və ümid olacaqdır. Çıxışmaz vəziyyətdə əlinizdən tutacaq yardımdan imtina etməyin.
Merkurinin təsiri ilə yeni imkanlar və çağırışlar fonunda ŞİRLƏR üçün böyük işlər dövrü başlayır. Amma bir çox məsələ həmin planın həyata keçirilməsində sizin kim tərəfindən və necə dəstəklənəcəyinizdən asılı olacaqdır. Sürətlə dəyişən vəziyyətdə rəqiblərinizin bütün fitnə-fəsadlarının üstünü açan müttəfiqiniz Pluton böyük rol oynayır. Bir məsələni unutmayın ki, streslərin öhdəsindən gəlməyinizə doğmalarınız və yaxınlarınız kömək göstərə bilərlər.
QIZLARI gərgin bir həftə gözləyir, lakin Merkurinin verdiyi enerji sayəsində həmin işlərin öhdəsindən məharətlə gələcəksiniz. Köhnə dostlarla görüşlər qarşınızda ağlınıza gəlməyən yeni karyera imkanları aça bilər. Ağıllı məsləhətləriniz yaxınlarınız üçün faydalı ola bilər. Maliyyə bataqlığında boğulmaq istəmirsinizsə, borc götürməyə çalışmayın.
TƏRƏZİLƏR maliyyə işlərini düzgün qurmaq və investisiyalarla bağlı dəqiq qərarlar vermək üçün soyuqqanlı və tədbirli olmalıdırlar. Veneranın təsiri altında planlaşdırılmayan xərclər ortaya çıxacaqdır. Bazarı yaxşı öyrənsəniz və sərfəli qiymət təklifləri tapsanız, labüd məsrəfləri bir xeyli azalda bilərsiniz.
ƏKİZLƏRƏ elə gələ bilər ki, bundan da ağır yükün altına girə bilərlər. Mühüm məqsədlərə çatmaq naminə, ola bilsin, tərəfdaşlarla ağıllı kompromisə gələ bilərsiniz. Sizi kənardan yaxşı görən həmkarlarınızın məsləhətlərini dinləyin.
OXATANLAR fərdi cəhətlərinin ən parlaq tərəflərini nümayiş etdirəcəklər. Ətrafdakılar sizi son dərəcə inandırıcı qəbul edəcəklər. Bu da sizə öz mülahizələrinizə yaşıl işıq yandırmaq imkanı verəcəkdir. Siz ən ümdə arzunuzu həyata keçirmək yollarını aydın görəcəksiniz. Ulduzlar sizə anlayış və dəstək vəd edirlər.
OĞLAQLARI qısa zaman kəsiyində çoxlu mühüm və ciddi görüş gözləyir. Bütün mürəkkəbliyinə baxmayaraq, üzərində baş sındırdığınız məsələ son dərəcə asanlıqla və səmərəli həll olunacaqdır. Özünüzü hadisələri sizə diktə edəcək gərgin ritmə kökləməklə, çiyninizə düşən işin ağırlığını tədricən unudub işgüzar tərəfdaşlarla qarşılıqlı fəaliyyətin yeni səviyyəsinə çıxa bilərsiniz.
DOLÇALAR öz zəngin fantaziyalarının bir hissəsindən faydalanmaqla, öz bizneslərinə yeni ab-hava gətirmək üçün saysız-hesabsız imkanlar aşkar edəcəklər. Özünəinam hissi rəqibləri xeyli geridə qoymaq imkanı verəcəkdir. Ehtiyatlılıq və məntiqilik, kommersiya sirrinin saxlanması düşündüklərinizin həyata keçirilməsinə və maliyyə uduşuna aparan yolun açarıdır.
BALIQLARA elə gələ bilər ki, adi şeyləri yaxşılaşdırmağa lüzum yoxdur. Lakin yeniliklər gözlənilmədən sizi həyəcanlandıracaqdır. Hadisələrə konstruktiv yanaşın. Səhvə yol verdiyinizi mərdi-mərdanə etiraf edin. Siz nəinki simanızı itirməyəcəksiniz, həmçinin dərhal yeni uğurlara doğru istiqamət götürəcəksiniz. Yolunuz kəşməkəşli olsa da, bələd olmadığınız bir işlə tanışlıq prosesində baş verənlərin nə qədər faydalı və səmərəli olduğunu görəcəksiniz.