Türkiyədə növbəti terror: üç əsgər şəhid olub VİDEO
Bakı, 14 oktyabr, AZƏRTAC
Oktyabrın 14-də PKK terrorçuları tərəfindən Türkiyədə daha bir terror aktı törədilib.
AZƏRTAC Anadolu informasiya agentliyinə istinadla xəbər verir ki, Mardin-Diyarbakır avtomobil yoluna terrorçuların əvvəlcədən yerləşdirdikləri partlayıcı hərbi avtomobil keçərkən işə salınıb. Təhlükəsizlik mənbələrindən verilən ilkin məlumata görə, partlayış nəticəsində üç əsgər şəhid olub. Yaralananlar yaxınlıqdakı xəstəxanalara çatdırılıb.
Hadisədən dərhal sonra terrorçuların yaxalanması üçün bölgədə əməliyyata başlanılıb.
Bölmənin digər xəbərləri
