Vyetnamda yanğın: 13 nəfər ölüb, çox sayda insan xəsarət alıb VİDEO
Bakı, 2 noyabr, AZƏRTAC
Vyetnamın paytaxtı Hanoy şəhərindəki karaoke salonunda baş verən yanğın nəticəsində 13 nəfər həyatını itirib, 2-si polis əməkdaşı olmaqla, çox sayda insan xəsarət alıb.
AZƏRTAC Anadolu informasiya agentliyinə istinadla xəbər verir ki, “VnExpress” qəzetinin məlumatına görə, 8 mərtəbəli binada başlayan yanğın sürətlə yaxınlıqdakı binalara yayılıb. Hələlik səbəbi bilinməyən yanğını yalnız 5 saatdan sonra nəzarət altına almaq mümkün olub.
Baş nazir Nguyen Xuan Phuc hadisə ilə bağlı təhqiqata başlandığını açıqlayıb. O, ölkədə çox yayılmış karaoke salonlarında təhlükəsizlik tədbirlərini gücləndirməyə çağırıb.
Bölmənin digər xəbərləri
