Tokioya son yarım əsrdə ilk noyabr qarı yağıb VİDEO
Bakı, 24 noyabr, AZƏRTAC
Yaponiyanın paytaxtı Tokioya son 54 ildə ilk dəfə olaraq noyabr ayında qar yağıb.
AZƏRTAC Interfax informasiya agentliyinə istinadla xəbər verir ki, sonuncu dəfə Tokioya noyabrda qar yağması 1962-ci ildə qeydə alınmışdı. Yerli meteorologiya xidmətlərinin məlumatına görə, qar ötən ildəkinə nisbətən 40 gün tez yağıb. Bu gözlənilməz təbiət sürprizi şəhər yollarında vəziyyəti mürəkkəbləşdirib və ictimai nəqliyyatın işində ləngimələrə səbəb olub.
Yaxın saatlarda şəhərə 20 millimetrədək yağıntı düşə biləcəyi, yolların buz bağlayacağı gözlənilir. İlin bu vaxtlarında Tokioda havanın temperaturu adətən müsbət 10-17 dərəcə arasında dəyişir.
Bölmənin digər xəbərləri
