Gürcüstan dəmir yolunda qatar yanıb VİDEO
Tbilisi, 18 dekabr, AZƏRTAC
Gürcüstanda Kutaisidən Batumiyə gedən elektrik qatarında yanğın baş verib.
“Gürcüstan Dəmir Yolları” QSC-dən bildiriblər ki, dekabrın 18-də günorta saatlarında Kutaisidən Batumiyə gedən 682 nömrəli elektrik qatarında yanğın olub. Hadisə Xedcaliya kəndi ərazisində baş verib. Qatarın vaqonlarından biri alovlanıb. Qatar heyətinin və yaxınlıqda olan kənd əhalisinin vaxtında müdaxiləsi nəticəsində sərnişinlər təxliyə olunub, alov söndürülüb. Hadisə nəticəsində ciddi xəsarət alan olmayıb.
Görülmüş operativ tədbirlər nəticəsində dəmir yolunda qatarların hərəkəti bərpa olunub.
Faktla əlaqədar cinayət işi açılıb, araşdırma aparılır.
Xətayi Əzizov
AZƏRTAC-ın xüsusi müxbiri
Tbilisi
MÜƏLLİFLƏ ƏLAQƏ
Bölmənin digər xəbərləri
- 18.11.2026 [16:12]
İordaniyada helikopter qəzasında beş zabit xəsarət alıb
- 18.11.2026 [15:22]
Ekspert: COP31-in iqlim maliyyələşdirilməsi gündəliyi tamamilə bloklanıb
- 18.11.2026 [14:42]