Rusiyanın qəzaya uğrayan təyyarəsinin “qara qutu”su tapılıb VİDEO
Bakı, 27 dekabr, AZƏRTAC
Dalğıclar Rusiya Müdafiə Nazirliyinin “Tu-154” təyyarəsinin Qara dənizdə qəzaya uğradığı yerdə “qara qutu” tapıblar. Bu barədə TASS-a güc strukturları məlumat verib.
Güc strukturları bildiriblər ki, axtarış işləri zamanı təyyarənin kabinəsinin altında bir “qara qutu” tapılıb. Yaxın vaxtlarda sudan çıxarılacaq. Daha iki bort “qara qutu” təyyarənin quyruq hissəsində yerləşir. Onlar hələ tapılmayıb.
Təyyarənin qəzaya uğradığı ərazidə həlak olanların cəsədləri aşkarlanıb. “Axtarış işləri zamanı həlak olanların xeyli sayda qalıqları və üç cəsəd aşkar edilib”, - deyə mənbə bildirib.
Bölmənin digər xəbərləri
