Kaliforniyada bəndin uçması təhlükəsi səbəbindən 190 min sakin təxliyə olunur VİDEO
Bakı, 13 fevral, AZƏRTAC
Yerli hökumət orqanları ABŞ-ın Kaliforniya ştatında yerləşən “Oroville” bəndinin uçması təhlükəsi səbəbindən yaxınlıqdakı ərazidə yaşayan əhalinin təxliyəsinə başlayıb.
AZƏRTAC TASS informasiya agentliyinə istinadla xəbər verir ki, zədələnmiş qurğunun eroziyaya uğramış ehtiyat su buraxıcısı hər ən dağıla bilər. Uzunsürən quraqlıqdan sonra bu qış başlayan güclü yağıntı göldə suyun səviyyəsinin xeyli artması ilə nəticələnib.
Bəndin yaxınlığında yerləşən eyniadlı şəhərdə və ətraf yaşayış məntəqələrində 190 min nəfərin təxliyəsi planlaşdırılır.
1962-1968-ci illər arasında tikilən “Oroville” bəndi ABŞ-ın ən hündür hidrotexniki qurğusudur. Hündürlüyü 230 metr olan bəndin yaratdığı göldə 4,3 milyard kubmetr su cəmlənib.
Bölmənin digər xəbərləri
