Yaponiyada helikopter qəzası: göyərtədəki 9 nəfərin hamısı həlak olub VİDEO
Bakı, 6 mart, AZƏRTAC
Yaponiyanın Naqano prefekturasında baş vermiş helikopter qəzasından sağ qurtaran olmayıb.
AZƏRTAC xəbər verir ki, NHK telekanalının bazar ertəsi günü yaydığı məlumata görə, helikopterdəki 9 nəfərin hamısı həyatını itirib.
Xatırladaq ki, göyərtəsində yeddi yanğınsöndürən, bir pilot və mühəndisin olduğu helikopter martın 5-də dağlıq ərazidə qəzaya uğrayıb. Naqano prefekturasının təcili xidmətinə məxsus helikopter təlim uçuşu həyata keçirirdi.
Hakimiyyət orqanları qəzanın səbəblərini araşdırır.
Bölmənin digər xəbərləri
