Fransada meşə yanğınları səbəbindən 10 min insan təxliyə olunub VİDEO
Bakı, 26 iyul, AZƏRTAC
İyulun 26-na keçən gecə Fransanın cənubunda yeni təbiət yanğınları səbəbindən 10 min insan təxliyə olunub.
AZƏRTAC RİA Novosti informasiya agentliyinə istinadla xəbər verir ki, bu ərazidə yanğınların sahəsi 400 hektaradək genişlənib. Yanğınsöndürmə xidmətinin məlumatına əsasən alov gecə yarısından etibarən Var departamentinin Lond-le-Mor və Kap Benat yaşayış məntəqələri yaxınlığında yayılmağa başlayıb.
Fransanın cənub-şərqində tüğyan edən meşə yanğınlarının miqyası artaraq 3 min hektarı ötüb. Fransa hökuməti yanğınlarla mübarizəyə iki əlavə təyyarə ayırması üçün Avropa İttifaqına müraciət edib. Hazırda alovla mübarizəyə 19 xüsusi təyyarə və yanğınsöndürmə xidmətinin iki mindən çox əməkdaşı cəlb olunub.
Bölmənin digər xəbərləri
