Neft Fondu Avropa Yenidənqurma və İnkişaf Bankı ilə “Cənub Qaz Dəhlizi”ni müzakirə edib
Bakı, 8 sentyabr, AZƏRTAC
Azərbaycan Respublikası Dövlət Neft Fondu (ARDNF) Avropa Yenidənqurma və İnkişaf Bankı (AYİB) ilə “Cənub Qaz Dəhlizi” layihəsini müzakirə edib.
Fonddan AZƏRTAC-a bildirilib ki, müzakirələr sentyabrın 8-də Azərbaycan Respublikası Dövlət Neft Fondunun icraçı direktoru Şahmar Mövsümov ilə Avropa Yenidənqurma və İnkişaf Bankının prezidenti Suma Çakrabartinin başçılıq etdiyi nümayəndə heyəti arasında keçirilən görüşdə aparılıb.
Görüşdə “Cənub Qaz Dəhlizi” layihəsi, ARDNF-in də sərmayə yatırdığı AYİB-in idarə etdiyi Səhm İştirak Fondu, Azərbaycanda hasilat sənayesində şəffaflığın təmin edilməsi və hesabatlılıq istiqamətində görülən işlər barədə müzakirələr aparılıb.
Bölmənin digər xəbərləri
