Çukurova Bələdiyyələr Birliyinin başçısı: Azərbaycanın işğal altında olan bütün torpaqları azad edilməlidir
Cəbrayıl, 6 noyabr, Tahir Ağaməmmədov, AZƏRTAC
Azərbaycanın işğal altında olan bütün torpaqları azad edilməlidir.
AZƏRTAC xəbər verir ki, bunu Cəbrayıl rayonunun işğaldan azad olunmuş Cocuq Mərcanlı kəndinə səfər edən Türkiyənin Çukurova Bələdiyyələr Birliyinin başçısı Hüseyn Sözlü jurnalistlərə müsahibəsində deyib.
“İşğal altında olan Azərbaycan torpaqlarının bir qisminin ötən ilin aprel döyüşlərində azad edilməsi nəticəsində cocuq mərcanlılar öz yurdlarına qayıtmaq imkanı əldə ediblər. Onların bəziləri artıq burada məskunlaşıblar. Bu sevincinizə şərik olmaq üçün Cocuq Mərcanlıya gəlmişik. Burada gözəl, müasir qəsəbə inşa edilib. İnşallah, işğal tamamilə sona yetəcək, bütün məcburi köçkünlər doğma torpaqlarına qayıdacaqlar”, - deyə Hüseyn Sözlü bildirib.
Bölmənin digər xəbərləri
