Tur-aksiyanın iştirakçıları cənub bölgəsindən zəngin təəssüratlarla ayrılıblar
Lənkəran, 19 noyabr, Bağır Əliyev, AZƏRTAC
Azərbaycan Respublikasının Prezidenti İlham Əliyevin tapşırığına əsasən həyata keçirilən “Ölkəmizi tanıyaq” layihəsinin səkkizinci mərhələsi çərçivəsində ölkəmizin regionlarına təşkil edilmiş tur-aksiyalar başa çatıb.
AZƏRTAC xəbər verir ki, ümumtəhsil məktəblərinin şagirdləri və onların müəllimləri dörd gün ərzində səyahət etdikləri şəhər və rayonların tarixini, mədəniyyətini, əhalinin həyat tərzini və məişətini əks etdirən abidələrlə, muzeylərlə, ərazinin turizm potensialı, regionların sosial-iqtisadi inkişafına dair Dövlət Proqramlarının icrası istiqamətində görülən işlər və həyata keçirilən infrastruktur layihələrlə yaxından tanış olublar.
Noyabrın 19-da tur-aksiyanın Bakının Sabunçu, Nərimanov, Nizami və Binəqədi, həmçinin Zəngilan, Şuşa, Zaqatala, Balakən, Qax və Yevlax rayonlarından olan iştirakçıları yaşadıqları şəhər və rayonlara yola düşüblər.
Aksiyanın iştirakçılarını Lənkəran Şəhər İcra Hakimiyyətinin məsul işçiləri, müəllimlər və ictimaiyyətin nümayəndələri yola salıblar.
Bölmənin digər xəbərləri
