MƏDƏNİYYƏT


Maştağa qəsəbəsində qəzəlxan Əliağa Vahidin xatirəsi anılıb

Bakı, 17 fevral, AZƏRTAC

Maştağa qəsəbəsində yerləşən Əliağa Vahid adına 293 nömrəli məktəbdə tanınmış qəzəlxanın həyat və yaradıcılığına həsr olunmuş tədbir keçirilib.

AZƏRTAC xəbər verir ki, tədbirdə Sabunçu Rayon İcra Hakimiyyəti başçısı aparatının baş məsləhətçiləri Ülviyyə Rufullayeva və Ceyhun Abbasov, Əməkdar İncəsənət Xadimi Aqil Məmmədov, Yazıçılar Birliyinin üzvü Arif Buzovnalı, məktəbin şagird və müəllim kollektivi iştirak ediblər.

Tədbirdə çıxış edənlər bildiriblər ki, gənc yaşlarında Bakıdakı “Məcməüş-şüəra” ədəbi məclisində iştirak edərək ilk şeirlərini yazan Əliağa Vahid Azərbaycan ədəbi mühitinə misilsiz töhfələr bəxş edib. Klassik qəzəl məktəbinin istedadlı davamçısı kimi öz dəstxəti ilə seçilən, qəzəlləri və satirik şeirləri xalq arasında yayılan, dahi Füzulini özünün böyük ustadı adlandıran Əliağa Vahidin əsərləri sevilərək oxunur. Həmçinin bildirilib ki, onun qəzəlləri poetik dilinin sadəliyi, xəlqiliyi və ahəngdarlığı ilə seçilir, vətənə məhəbbət, düşmənə nifrət, qələbəyə inam hissləri təbliğ edilir.

Tədbir ədəbi-bədii hissə ilə davam edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.