CƏMİYYƏT


Sabunçu rayonunda keçirilən “Ağ ölüm bəşəriyyətin faciəsidir” tədbirində narkomaniyanın fəsadlarından söhbət gedib

Bakı, 2 mart, AZƏRTAC

Sabunçu rayonunun Ramana qəsəbəsi 78 nömrəli tam orta məktəbində “Ağ ölüm bəşəriyyətin faciəsidir” mövzusunda maarifləndirici tədbir keçirilib.

AZƏRTAC xəbər verir ki, tədbirin əvvəlində iştirakçıları narkotik vasitələrdən istifadə və onun yaratdığı fəsadlardan bəhs edən videoçarxı izləyiblər.

Rayon icra hakimiyyətində şöbə müdirinin müavini Ədalət Teymurov müasir dövrün sosial bəlalarından olan narkomaniya və onun fəsadları, gətirdiyi faciələr barədə danışıb, yeniyetmə və gənclərin narkomanlıq və digər zərərli vərdişlərdən qorunması, gənc nəslin savadlı, vətənpərvər ruhda böyüməsi, sağlam inkişaf etməsi istiqamətində həyata keçirilən islahatlar barədə ətraflı məlumat verib.

Bakı şəhər Narkoloji Dispanserinin həkim-narkoloqu Pərvin Abbasova, rayon Gənclər və İdman İdarəsinin rəisi Rakif Əliyev və başqaları çıxış edərək narkomanlığa qarşı aparılan mübarizənin gücləndirilməsi, onun qarşısının alınması üçün antinarkotik təbliğatın, maarifləndirici tədbirlərin əhəmiyyəti barədə danışıb, gənc nəslin sağlamlığının qorunmasının təşkili üçün fikir və təkliflər irəli sürüblər.

Sonra müəllim, şagird və valideynlərin mövzu ilə əlaqədar verdikləri suallara cavablar verilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.