Kemerovoda yanğın nəticəsində ölənlərin sayı 53 nəfərə yüksəlib VİDEO
Bakı, 26 mart, AZƏRTAC
Kemerovo şəhərindəki ticarət mərkəzində baş verən yanğında ölənlərin sayı 53 nəfərə yüksəlib. Yanğın qurbanlarının sayının artacağı istisna olunmur.
AZƏRTAC “RİA Novosti” agentliyinə istinadla xəbər verir ki, İstintaq Komitəsinin son məlumatına görə, indiyədək 9-u uşaq olmaqla, 53 nəfərin cəsədi aşkarlanıb. Həmçinin 16 nəfərin itkin düşdüyü bildirilir. Hadisə nəticəsində xəsarət alan 43 nəfər xəstəxanaya yerləşdirilib.
Xatırladaq ki, yanğın dünən “Qış albalısı” ticarət mərkəzinin 4-cü mərtəbəsində kino zallarının birində baş verib. 2013-cü ildə istifadəyə verilən ticarət mərkəzinin ümumi sahəsi 23 min kvadratmetrdir.
Yanğının baş vermə səbəbləri araşdırılır, hadisə ilə bağlı dörd nəfər saxlanılıb.
Bölmənin digər xəbərləri
