Bakı, 28 aprel, AZƏRTAC

Akademik Zərifə Əliyeva adına Milli Oftalmologiya Mərkəzinin Səyyar Klinikası Bakıda və ölkəmizin müxtəlif regionlarında vaxtaşırı səyyar xidmətlər təşkil edir. Növbəti aksiya Sabunçu rayonunda aparılıb.

Mərkəzdən AZƏRTAC-a verilən məlumata görə, klinika akademik Zərifə Əliyevanın anadan olmasının 95-ci ildönümü münasibətilə rayonun Pirşağı qəsəbəsində yerləşən "Gilavar" və “Qızılqum” sanatoriyalarında humanitar aksiya keçirib.

Qəsəbədə iki gün davam edən aksiya zamanı Səyyar Klinikanın oftalmoloqları 238 nəfəri ilkin müayinə ediblər və onlara məsləhətlər veriblər.