Balaxanı qəsəbəsində qəyyumluqda yaşayan uşaqlara hədiyyə və ərzaq bağlamaları verilib
Bakı, 30 aprel, AZƏRTAC
Sabunçu rayonunun Balaxanı qəsəbəsində yaşayan valideyn himayəsindən məhrum olan və qəyyumluğa verilmiş uşaqların yaşayış şəraitlərinin yoxlanılması, mənzil-məişət vəziyyətlərinə baxış keçirilməsi və ehtiyaclarının ödənilməsi məqsədi ilə həyata keçirilən “Qəyyumluqda olan hər uşağa diqqət və qayğı!” layihəsi çərçivəsində növbəti görüş keçirilib.
AZƏRTAC xəbər verir ki, layihənin təşkilatçısı rayon icra hakimiyyəti başçısı yanında qəyyumluq və himayəçilik komissiyası, Ailə, Qadın və Uşaq problemləri üzrə Dövlət Komitəsi, Qızıl Aypara Cəmiyyətinin Sabunçu rayon təşkilatı və yerli bələdiyyələrdir.
Görüşdə həmin təşkilatların nümayəndələri valideyn himayəsindən məhrum olan və qəyyumluğa verilmiş uşaqların yaşayış şəraitləri ilə yerində tanış olub, onlara müxtəlif hədiyyələr, ərzaq bağlamaları təqdim ediblər.
Bölmənin digər xəbərləri
