Belçikanın Lej şəhərində silahlı hücum zamanı üç nəfər həlak olub VİDEO
Bakı, 29 may, AZƏRTAC
Belçikanın Lej şəhərinin mərkəzində yerli vaxtla saat 10:30-da naməlum şəxs sənəd yoxlanışı zamanı polis əməkdaşlarına atəş açıb.
AZƏRTAC Interfax informasiya agentliyinə istinadla xəbər verir ki, hücum nəticəsində 3 nəfər həlak olub, 2 nəfər yaralanıb. Həlak olanların ikisi polis əməkdaşı, biri isə yoldan keçən şəxsdir.
Bir qadını girov götürərək hadisə yerindən uzaqlaşmağa cəhd edən cinayətkar polis tərəfindən güllələnib.
Polis əsas versiyalardan biri kimi hadisənin terror aktı ilə əlaqəsini araşdırır.
Bölmənin digər xəbərləri
