Moskvada taksi piyada yoluna çıxaraq 8 nəfəri vurub VİDEO
Moskva, 17 iyun, AZƏRTAC.
Moskvanın mərkəzində taksi piyada yoluna çıxaraq 8 nəfəri vurub.
AZƏRTAC xəbər verir ki, Rusiya paytaxtının mərkəzi küçəsi olan İlyinkada taksi avtomobili piyada yoluna çıxıb. Nəticədə 8 nəfər xəsarət alıb.
İlkin məlumata görə, hadisəyə sürücünün idarəetməni itirməsi səbəb olub. Sürücü hadisə yerindən qaçmağa cəhd göstərsə də, polis tərəfindən saxlanılıb. Yaralıların vəziyyəti qənaətbəxşdir. Hadisə nəticəsində iki Meksika vətəndaşı xəsarət alıb. Qırğızıstan vətəndaşı olan taksi sürücüsü ilkin dindirmə zamanı hadisəni bilərəkdən törətmədiyini deyib.
Təcili xidmətlərdəki mənbə sürücünün sükan arxasında yatdığını bildirib.
Hadisə ilə bağlı cinayət işi açılıb.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
