Şüvəlanda ekoloji qanunvericiliyin tələblərini pozan şəxs cərimələnib
Bakı, 21 iyun, AZƏRTAC
Ekologiya və Təbii Sərvətlər Nazirliyinin “Qaynar xətt”inə Xəzər rayonunun Şüvəlan qəsəbəsində, Xəzər dənizi sahilində tullantıların qalaqlanması ilə bağlı daxil olan şikayəti nazirliyin əməkdaşları yerində araşdırıblar.
Nazirliyin mətbuat xidmətindən AZƏRTAC-a verilən xəbərə görə, araşdırma zamanı fakt təsdiqini tapıb və tullantıları əraziyə Şüvəlan qəsəbəsinin sakini Yusif Atayevin atdığı müəyyənləşib.
Faktla bağlı qanun pozucusu barəsində protokol tərtib olunub və o, İnzibati Xətalar Məcəlləsinə əsasən 700 manat məbləğində cərimə edilib. Ərazi Şüvəlan Bələdiyyəsi tərəfindən təmizlənib.
Bölmənin digər xəbərləri
