124 YAŞLI BƏY
AZƏRTAC-ın Ər-Riyaddan aldığı xəbərə görə, Səudiyyə Ərəbistanının qərbində yerləşən Taif əyalətinin xəstəxanalarından birinə gələn 124 yaşlı qoca bütün həkim və tibb bacılarını o dərəcədə təəccübləndirmişdir ki, onlar qulaqlarına inanmamışlar. Demə, qoca evlənmək fikrinə düşüb və xəstəxanaya da tibbi müayinədən keçmək üçün gəlibmiş. Adaxlısı isə ondan xeyli “cavandır”, cəmi 80 yaşı var.
Təbii ki, həkimlər bu uzunömürlünün xahişini məmnuniyyətlə yerinə yetirmişlər.
O, gələn həftə kəbin kəsdirib, toy edəcəkdir.
Ağsaçlı bəyin qonşuları deyirlər ki, o, indiyədək dəfələrlə evlənib və sağlamlığına söz ola bilməz.
O da maraqlıdır ki, vaxtilə bu qoca müasir Səudiyyə Ərəbistanının banisi kral İbn Səudun əlini sıxmışdır.
Bölmənin digər xəbərləri
