Parisdə polis və nümayişçilər arasında ilk qarşıdurma olub VİDEO
Paris, 1 may, AZƏRTAC
Parisdə Zəhmətkeşlər Günü ilə bağlı həmkarlar ittifaqlarının “sarı jiletlər”lə birgə təşkil etdiyi nümayişdə polis və nümayişçilər arasında qarşıdurma olub.
AZƏRTAC xəbər verir ki, nümayişçilərin önündə duran “black blocs” radikal qrupunun üzvləri ilə polis arasında qarşıdurma olub. Polis rezin güllələr və gözyaşardıcı qazdan istifadə edib. “Black blocs” radikal qrupun üzvləri küçələrə döşənmiş daşları qopararaq polisə atıblar. Monparnas prospektində nümayişçilərin qarşısı polis tərəfindən dayandırıldığı üçün gərginlik artmaqdadır. Yaralıların olduğu bildirilib.
Ölkənin digər şəhərlərində də vəziyyətin gərgin olduğu qeyd edilir.
Şəhla Ağalarova
AZƏRTAC-ın xüsusi müxbiri
Paris
Bölmənin digər xəbərləri
