DÜNYA


Çində şiddətli yağışların törətdiyi fəsadlar nəticəsində ölənlərin sayı 49-a çatıb VİDEO

Pekin, 12 iyun, AZƏRTAC

Çinin mərkəz, cənub və şərq hissələrində iyunun 6-dan bəri davam edən şiddətli yağışların törətdiyi fəsadlar nəticəsində ölənlərin sayı 49-a, itkin düşənlərin sayı 14-ə çatıb.

AZƏRTAC xəbər verir ki, bu barədə ölkənin Fövqəladə İdarəetmə Nazirliyi məlumat yayıb. Bildirilir ki, şiddətli yağışlar daha çox Quandun, Quansi, Ciansi, Fucien, Xunan, Quycou, Qansu, Cıcian vilayətlərində, habelə Çunçin bələdiyyəsində ciddi fəsadlara və insan tələfatına səbəb olub. Bu bölgələrdə yağıntının miqdarı orta hesabla 100-250 millimetr, bəzi ərazilərdə 400, Ciansi və Quansi vilayətlərinin bəzi yaşayış məntəqələrində isə müvafiq olaraq 690 və 820 millimetr təşkil edib. Şiddətli yağışlar sel, daşqın və torpaq sürüşmələrinin, palçıq axınının yaranmasına səbəb olub. Nəticədə 7 mindən çox ev dağılıb, 32 min evə zərər dəyib, 623 min hektar əkin sahəsini su basıb. Ümumilikdə təbii fəlakət 6,7 milyondan çox sakinin həyatına mənfi təsir edib, 125 mindən çox adam təxliyə edilib.

Ümumi maddi zərər 10,2 milyard yuan (təxminən 1,74 milyard ABŞ dolları) səviyyəsində qiymətləndirilir.

Şahin Cəfərov

AZƏRTAC-ın xüsusi müxbiri

Pekin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.