12 LAYİHƏ BAŞA ÇATMIŞDIR

23.10.2004 [11:13]
Çap et
A⁺ A^-

Məcburi Köçkünlərin Sosial İnkişafı Fondu (MKSİF) bu ilin 3-cü rübündə 12 layihənin həyata keçirilməsini başa çatdırmışdır. Öz ev-eşiyindən didərgin düşmüş soydaşlarımızın güzaranının yaxşılaşdırılmasına yönəldilmiş bu layihələrə 563 min ABŞ dolları məbləğində vəsait xərclənmişdir. Fonddan AZƏRTAC-a bildirmişlər ki, 6 min məcburi köçkün bu layihələrdən faydalanmışdır.

MKSİF 2 milyon ABŞ dolları məbləğində mikrokredit proqramı da hazırlamışdır. Bu proqram üzrə müqavilələr bağlanmışdır.

İnfrastruktur mikrolayihələrini və mikrokredit proqramını davam etdirmək məqsədi ilə Dünya Bankından 10 milyon ABŞ dolları məbləğində kredit alınması nəzərdə tutulmuşdur.

Fondun fəaliyyətinin nəticələrini, görülən tədbirlərin məcburi köçkünlərin həyat səviyyəsinin yaxşılaşdırılmasına təsirini öyrənmək məqsədi ilə onların arasında sosioloji sorğu keçirmək qərara alınmışdır.

12 LAYİHƏ BAŞA ÇATMIŞDIR

MÜƏLLİFLƏ ƏLAQƏ