1300 NƏFƏR ÜÇÜN İFTAR SÜFRƏSİ
AZƏRTAC xəbər verir ki, İran İslam Respublikasının İmam Xomeyni İmdad Komitəsi Beynəlxalq Humanitar Təşkilatının Azərbaycandakı nümayəndəliyi komitənin Bakı şöbəsinin 1300 nəfər əlil, şəhid ailəsi, tənha və kimsəsiz dindar üzvləri üçün mübarək Ramazan ayı münasibətilə iftar süfrəsi təşkil etmişdir. Quran ayələri oxunmuş, müqəddəs günlər xatirinə xalqımızın firavan həyatı naminə Allaha dualar edilmişdir.
İranın ölkəmizdəki səfiri Əfşar Süleymani mərasim iştirakçılarını və Azərbaycan xalqını əziz günlər münasibətilə təbrik etmişdir.
Mərasimdə respublika hökumətinin, xarici ölkələrin səfirliklərinin nümayəndələri də iştirak etmişlər.
