MƏDƏNİYYƏT


UNESKO-nun jurnalında “Bakı-multikultural şəhər” adlı müsahibə dərc olunub

Paris, 28 sentyabr, AZƏRTAC

UNESKO-nun “Le Courrier de l’UNESCO” jurnalında Fuad Axundovla “Bakı-multikultural şəhər” adlı müsahibə dərc olunub.

AZƏRTAC xəbər verir ki, müsahibədə qədim və müasir Bakı haqqında ətraflı məlumat verilir. XIX əsrdə Bakıda olan ilk neft bumundan, XX əsrin əvvəllərində Bakının dünya xam neftinin 50 faizini istehsal etməsindən bəhs olunub.

XIX əsrin sonu, XX əsrin əvvəllərində Bakıya əcnəbi sərmayədarlarla yanaşı, tanınmış mühəndislər, inşaat üzrə mütəxəssislərin gəlməsindən, Bakının memarlıq simasının zənginləşməsində yerli memarlarla bərabər, əcnəbi mütəxəssislərin də fəal iştirak etməsindən danışılır. O dövrkü Bakının arxitekturasında Qərb memarlarının xüsusi rolu diqqətə çatdırılır.

Müsahibədə Bakının multikultural şəhər olduğu, müxtəlif xalqların birgə mehriban yaşadığı vurğulanır.

 

Şəhla Ağalarova

AZƏRTAC-ın xüsusi müxbiri

Paris

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.