REGİONLAR


Birinci vitse-prezident Mehriban Əliyevanın nəcib təşəbbüsünə qoşulmaqla sağlam gələcəyimizə töhfə veririk

Ağcabədi, 6 dekabr, Tahir Ağaməmmədov, AZƏRTAC

Azərbaycan Respublikasının Birinci vitse-prezidenti Mehriban xanım Əliyevanın təşəbbüsü ilə respublikamızda bir gündə 650 min ağacın əkilməsi ekoloji mühitin yaxşılaşdırılması istiqamətində atılan ciddi addımdır. Bu nəcib təşəbbüsə qoşulmaqla, təbiətimizə, sağlam gələcəyimizə töhfə vermiş oluruq.

Bu sözləri AZƏRTAC-a müsahibəsində Ağcabədi rayon sakini Kəklik Əhmədova deyib.

Respublikamızda bir gündə 650 min ağacın əkilməsi ilə bağlı genişmiqyaslı aksiyaya Ağcabədi sakinlərinin böyük ruh yüksəkliyi ilə qoşulduğunu bildirən K.Əhmədova deyib: "Ağcabədi rayonu ərazisində ağac əkilməsi, yaşıllıq salınması çox böyük əhəmiyyət daşıyır. Çünki Kür-Araz ovalığında yerləşən Ağcabədi ölkəmizin isti, quraq ərazilərindəndir. Burada yaşıllıqların artırılması daha vacibdir. Odur ki, bir ağcabədili kimi bu xeyirxah aksiyada çox həvəslə iştirak edirəm".

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.