Qazaxıstanın Öskemen şəhəri yaxınlığında “An-2” təyyarəsi qəzalı eniş edib VİDEO
Öskemen, 26 fevral, AZƏRTAC
Qazaxıstanın Öskemen şəhəri yaxınlığında “An-2” təyyarəsi qəzalı eniş edib.
AZƏRTAC Qazaxıstan Aviasiya İdarəsinin yaydığı məlumata istinadla xəbər verir ki, qəzaya səbəb təyyarənin mühərrikində nasazlığın olmasıdır.
“Orlan 2000” Hava Yollarına məxsus “An-2” təyyarəsi ölkədə Öskemen-Aksuat şəhərləri arasında sanitar xidmtələri yerinə yetirirdi. Yerli vaxtla saat 12:50 radələrində təyyarənin ekipajı mühərrikdə olan vəziyyət barədə məlumat verib. Təyyarədə 5 nəfərin, onlardan 3-nün ekipaj, 2-sinin rəsmi nümayəndə olduğu bildirilib.
Qəza nəticəsində həlak olan yoxdur, hadisə ilə bağlı araşdırmalar aparılır.
İlahə Əhmədova
AZƏRTAC-ın xüsusi müxbiri
Öskemen
Bölmənin digər xəbərləri
