2008-Cİ İL KARTOF İLİDİR
AZƏRTAC xəbər verir ki, BMT Baş Məclisi 2008-ci ili kartof ili elan etmişdir.
Beynəlxalq təşkilatda hesab edirlər ki, kartofçuluğun inkişafı dünyada ildən-ilə artan ərzaq çatışmazlığı ilə mübarizədə uğurlu addım olardı. Latviyada isə bir nömrəli ərzaq məhsulu elan edilən kartofun dövlət himnində belə tərənnüm edilməsi, hətta ona abidə ucaldılması təklif edilir.
Dünyada hər il insan artımı 100 milyon nəfər təşkil edir. Ərzaq çatışmazlığı və inflyasiya özünü ildən-ilə daha çox büruzə verir. Odur ki, indiki və gələcək nəsillər qarşısında ərzaq təhlükəsizliyini təmin etmək və ətraf mühitin qayığısına qalmaq vəzifəsi durur. Mütəxəssislər düşünürlər ki, problemi kartof istehsalını artırmaqla həll etmək mümkündür. Ona görə də BMT bu ili kartof ili elan edərək insanları kartofçuluğu inkişaf etdirməyə çağırır.
Adətən kartofu ikinci çörək adlandırırlar. Elə ölkələr var ki, orada kartof çörəkdən daha çox yeyilir. Beynəlxalq bazarda taxılın qiymətinin yüksəlməsi isə Latviyada kartof satışının 5 dəfə artmasına səbəb olmuşdur. Adambaşına düşən kartof itsehsalına görə Latviya dünyada 5 lider ölkə sırasındadır. Burada hər adama 286 kiloqram kartof düşür. Bu il bir nömrəli qida məhsulu elan edilən kartofa marağın belə artması isə qeyri-adi təkliflərin ortaya çıxmasına rəvac vermişdir.
Bölmənin digər xəbərləri
