RƏSMİ SƏNƏDLƏR
2013-cü il mayın 8-də Kolombo şəhərində imzalanmış “Azərbaycan Respublikasının Xarici İşlər Nazirliyi və Şri-Lanka Demokratik Sosialist Respublikasının Xarici İşlər Nazirliyi arasında əməkdaşlıq haqqında Protokol”un təsdiq edilməsi barədə
Azərbaycan Respublikası Prezidentinin Fərmanı
Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:
1. 2013-cü il mayın 8-də Kolombo şəhərində imzalanmış “Azərbaycan Respublikasının Xarici İşlər Nazirliyi və Şri-Lanka Demokratik Sosialist Respublikasının Xarici İşlər Nazirliyi arasında əməkdaşlıq haqqında Protokol” təsdiq edilsin.
2. Azərbaycan Respublikasının Xarici İşlər Nazirliyi:
2.1. bu Fərmanın 1-ci hissəsində göstərilən Protokolun müddəalarının həyata keçirilməsini təmin etsin;
2.2. bu Fərmanın 1-ci hissəsində göstərilən Protokolun qüvvəyə minməsi üçün zəruri olan dövlətdaxili prosedurların yerinə yetirildiyi barədə Şri-Lanka Demokratik Sosialist Respublikası Hökumətini xəbərdar etsin.
İlham Əliyev
Azərbaycan Respublikasının Prezidenti
Bakı şəhəri, 11 iyun 2013-cü il.