İDMAN


2021-ci ildən Formula 1-ə “Ferrari”nin sabiq rəhbəri Stefano Domenikali başçılıq edəcək

Bakı, 26 sentyabr, AZƏRTAC

Uzun illər Formula 1-ə rəhbərlik edən Berni Ekklstounun gedişindən sonra bu postu tutanların sayı çox olacaq. Artıq yeni mövsümdən Formula 1-ə yeni sima rəhbərlik edəcək.

AZƏRTAC xəbər verir ki, Formula 1-in mətbuat xidməti növbəti ildən quruma rəhbərlik edəcək yeni prezidentin adını açıqlayıb. Belə ki, 2021-ci ildən “Kral yürüşləri”nə “Ferrari”nin sabiq rəhbəri Stefano Domenikali başçılıq edəcək. O, Formula 1-in həm prezidenti, həm də icraçı direktoru funksiyasını daşıyacaq. Qurumun prezidenti Çeyz Keri isə qeyri rəsmi icraçı kimi işini davam etdirəcək.

Xatırladaq ki, “Liberty Media”ya rəhbərlik edən Çeyz Keri 2017-ci ildə Formula 1-də Berni Ekklstounu əvəzləmişdi. Domenikali isə 1991-ci ildən “Ferrari”də fəaliyyət göstərmiş və 20 ildən artıq müddətdə bu komandada çalışmışdı. O, 2014-cü ildə İtaliya komandasından ayrılmışdı.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.